12 / 174 
12
Менің атам ақылды,
Бізге бата береді,
Арқасына мінгізіп,
Аттай шауып, желеді!
Менің әжем әдемі,
Алақаны аялы,
Біз даладан келгенде,
Күліп құшақ жаяды.
Менің әкем еңбекқор,
Асқар таудай тұлғасы,
Балалардың тірегі
Жақсылардың жолдасы!
Нұрын төккен мейірлі,
Жақсы көрем анамды,
Бөбегім деп сүйгенде,
Мөлдірейді жанары!
Бала, бала, балдырған,
Өмір отын жандырған,
Күн нұрындай күлімдеп,
Көз мейірін қандырған.