7 / 320 
7
Кеше гөр бізді,
Кешір де жолдан айныма!
ШҮКІРЛІК
Бір Алланың
Бұйырғанын құп алып,
Атқан таңға
Тәуба қылып, қуанып,
Тіршіліктің талқысынан түңілмей
Тәуекел ет,
Талаптанып ту алып.
Таңғы шықтың
Тамшысына тамсанып,
Күн сәулесін
Күліп тұрып қарсы алып,
Жер жұпарын
Толтыра жұт кеудеңді,
Кім біледі
Дем қалғанын қаншалық?
Әрбір жұтқан
Демге де қыл шүкірлік,
Әрбір татқан
Дәмге де қыл шүкірлік,
Күнге шүкір,
Шүкір және түнге де,
Тіршіліктің әр сәтіне шүкірлік!
ЗАҢДЫЛЫҚ
Тумақ, өлмек –
Бұлжымайтын заңдылық,
Мән бар ма екен
Дүниеде мәңгілік?