8 / 320 
8
Бұл сауалға
Жауап берер бір құдай,
Фәни, бақи
Жаратты ғой жанды ғып!
Хаос-ойды
Кезіп босқа, қаңғырып,
Өзіңді өзің
Жегідей жеп мәңгіріп,
Ажалыңнан бұрын өлмей,
Өмір сүр,
Шектен шықпай,
Шүкірлікпен дәмді ғып!
ЕКІ ЖОЛ
Ойланатын сауал осы балғынға:
Бұл өмірде екі жол тұр алдыңда,
Иә сенесің, иә сенбейсің құдайға
Таңдау сенің өз қолыңда, жаныңда!
Сенбеймін деп, күпір болып кетесің,
Әркімге еріп, алданумен өтесің.
Алла десең адаспайсың, арманға
Адал еңбек, күш-жігермен жетесің!
ҚАЙРАН ЕЛІМ
Адамзатқа
Ақиқат пен
Ізгілікті іздестің,
Қиянатқа
Қарсы тұрдың,
Отқа күйіп, мұз кештің.