9 / 318 
9
Даңғазаға
Дарақылар сүйіне,
Қол соққанда,
Іштей күліп, күйіне,
Жер шарының
Жүгін артып, жүрекке,
Ақын қайтып келе жатты,
Үйіне.
Қазағымда
Ағыл-тегіл, көп өлең,
Көп болғасын,
Алтынымсың демеген,
Сақтап қалған
Елдігі мен ерлігін,
Өлеңі ғой,
Қиналғанда жебеген...
Жасын жырлы
Асылдардың сынығын,
Ешкім де жоқ
Ел алдында елеген!
Ақындықта
Құн қалды ма?
Мұң қалды!
Қандай өлең талқыланды,
Тыңдалды.
Түгел сөздің түбін қуып,
Түгендеп,
Түсінетін
Осы күні кім бар-ды?!
Жын қуғандай жанталасып,
Жан-жақтан,
Өліп-өшіп
Жарнамаға жармасқан.