261 / 320 
261
көреді... яғни біз, мысық баласы, қазынаның қисабында емес,
адамзаттың мисалындамыз, мияу, мияу, әй, милау!!!
ТӨЛДЕР:
Ха-ха-ха! Хе-хе-хе!
ИТ:
Әй, қойыңдар енді оттамай! Бәлем, ертең қасқыр
келгенде көрермін күлгендеріңді!
БАЛАҚАЙ:
Қойыңдар енді, қоя қойыңдар! Бір-біріңді ма
зақтамаңдар, «бөлінгенді бөрі жейді» деген бабаларымыз!
БОТА:
Әбден дұрыс айтқан!
ҚОЗЫ:
Дауы құрсын, тыныштық керек!
(Бұлар дуылдасып
жатқанда, қасқыр мен түлкі жасырынып, алыстан то
руылдап жүреді)
.
БҰЗАУ:
Тату-тәтті болсақ, күйісіміз... мө-ө-ө, күйіміз жа
ман болмайды!
ЛАҚ:
Мә-мә, тау-тастан тұяғымыз мұқалмаса, о дағы
татулықтың арқасы! Сондықтан шырық бұзбаңдар! Үп-үлкен
ит басыңызбен титтей нәрсеге бола иттей болғаныңыз ұят емес
пе-е-е?!
БҰЗАУ:
Иә, бостан-босқа итше үргеніңіз масқара!
ИТ:
Ыр-р!
БОТА:
Майлы сүйекке таласып, ырылдаса кететін
ұяластарың емес, текті төрт түлік тұқымдарының ортасында
жүргеніңді ұмытпа, әй, итім!
МЫСЫҚ:
Мияу, мияу!
ЛАҚ:
Сен де бет-аузыңды жаланып, мүләйімси берме, мы
сығым!
БҰЗАУ:
Иә, итекеңе сүйкене бермей, тып-тыныш тыш
қаныңды аулап, жайыңа жүрсеңші! Мысықтілеуленіп, пыс ете
қалатын пәлебасы сенсің!
МЫСЫҚ:
Ыр-р!
ҚҰЛЫН:
Жә, болды енді, қойыңдар! Бәрің де сау сиырдың
боғы емессіңдер! Біреуге ақыл айтқанша, алдымен өздеріңді
жөндеп алмайсыңдар ма?!
БҰЗАУ:
Мө-ө! Не дейді, әй, мынау? Немене, біз сау
болмағанда, сен өзіңше кереметпін деп жүрсің бе?!
БОТА:
Бәрімізді бірдемеге теңедің бе осы?
БАЛАҚАЙ:
Жә, доғарыңдар! Ол әншейін сөздің мәтелі!
БҰЗАУ:
Мәтел ме, бәле-бәтер ме, кім біліпті? Әйтеуір
жылқы баласының желкөрік кеудесін керіп, бізді менсінбей