259
Ылаққаным, лағым,
Бір тынбайды жағың,
Тастан-тасқа секіріп,
Ойнақтайтын шағың!
Бұзауқаным, бұзау,
Ойың – шелек жалау,
Танауыңды көкке
Көтергің кеп тұр-ау!
Ботақаным, ботам,
Таудай биік жотаң.
Сен тілазар болма,
Көнбіс еді атаң!
(Жүгіріп ит келеді, балақай оған):
Күшім, күшім, күшім,
Көп қой сенің күшің,
Сақылдайды жарқ-жұрқ,
Кездіктей боп тісің!
(Лыпетіпмысықкеліп, итті еркелетіпотырғанбалақайға
жабысып жата кетеді. Балақай оған):
Пырыл, пырыл мысық,
Кепсің арқаң қышып,
Пеш түбінде жатшы,
Көздеріңді қысып!
(Барлығы ду күліп, мысықты айнала билеп, әндетеді):
Өмір өтер зырылдап,
Құс ұшады шырылдап,
Біз шабамыз зуылдап,
Жұмысы жоқ уақытта
Мәңгі өзгермес маубасың
Мысық ұйықтар пырылдап!