4 / 320 
4
БІРІНШІ СУРЕТ
Бірінші көрініс
Орташа тұратын ауыл қазағы Сұрамшақтың төр үйі.
Жеңгей мен қыз бір қызу әңгімені аяқтауға айналған.
ЖЕҢГЕЙ:
Сонымен солай де!... Бір-біріңді күшті сүйесіңдер
ме?
ҚЫЗ:
Сонымен солай деп жаңа ғана айттым ғой...
ЖЕҢГЕЙ:
Тағы да айтшы! Айта түсші! Жақсы көреміз деген
әншейін жалпақ сөз, тәптіштеп айтшы, қалай сүйесіңдер?!
ҚЫЗ:
Секрет фирмы!
ЖЕҢГЕЙ:
Секіреді дейді... секіртпей қоясың ба, сен сиқыр
қыз! Әйтеуір, қазір сүюдің неше түрі шығып жатыр... видиктен
көріп жүрміз... біз соның бірін де білмеппіз ғой... Әй, тағы
қалай-қалай жақсы көресіңдер?
ҚЫЗ:
Ой, зәкөншік жеңешем-ай сол, не болды сонша?
ЖЕҢГЕЙ:
Шіркін! Жас болғанға, махаббатқа мас болғанға
не жетсін! Жөн білетін қыз болсаң, кісіні жынды қылмай,
айтпас па едің бәрін де!
ҚЫЗ:
Нені?
ЖЕҢГЕЙ:
Былай... былай... жақсы көреміз деп!
ҚЫЗ:
Осыныңды ағама айтып қойсам, көрер едің былай...
былайды...
ЖЕҢГЕЙ:
Айта бер... Тезірек айтшы ағаңа... Былай...
былайдан өлген әйелді көргем жоқ!.. Мен де айтайын ағаңа...
Мына қыз бауырдан да бай қымбат деп бір-ақ тартқалы жатыр
деп! Айтқандайын, баратын жерің қандай екен?
ҚЫЗ:
Қандайы несі?
ЖЕҢГЕЙ:
Әулеті мен сәулеті қандай, бәрінен бұрын дәулеті
қандай екен деп сұрап тұрмын мен сенен!
ҚЫЗ:
Білмеймін... енді... әке-шешесі, туыстары бар
көрінеді.Өзіміз сияқты... Ауылда тұратын... оп-оңды кісілер...
ЖЕҢГЕЙ:
Түсінікті! (
Өзіне-өзі
) Сенің әке-шешең сияқты
болса, жетіскен екенбіз! (
Қызға
) Қазіргінің қыздары «ақшасы
көп, ақылы аздарды аулайтын қу болады» дейтіні қайда?
Шалбарына емес долларына қарайтын заман емес пе? Жөн
білетін қыз болсаң, осы жағын ойлар едің ғой...