![Show Menu](/elib/Sait/Sovrem-e%20knigi/01-10-2017/B.Alimzhanov%2012-tom/files/assets/basic-html/styles/mobile-menu.png)
6
Әдебиетіміз өсіп, қаламгерлеріміз молайған сайын қуаныш-
шаттық әкелетін құнарлы да сүбелі шығармаларды көбірек тілей-
тініміз анық. Оларды әрине, қанаты қатайған, жанары алысты ша-
латын қыран таланттар жасайды. Баянғали Әлімжановқа ұядан ір-
кілмей ұшып шықтың, енді әдебиет аспанында еркін самғап, әр-
қашан биіктен мол олжамен көріну үшін тынымсыз еңбек ет деген
тілек айтқан орынды.
«Қазақ әдебиеті», 1984 ж.
МЫҢЖЫЛДЫҚ МАНАС
Бауырлас қырғыз халқының батырлық эпосы «Манас» жыры-
ның бүгінгі дәрежеде сақталып, ұрпағына аман-есен, бүтін күйін-
де жетуіне егіз халықтың екеуі де ортақ. Шоқан Уәлиханов:
«Манас» – бүтін бір халықтың шығармасы, соның көпжылдық
творчествосының жемісі – дала Илиадасы десе де болғандай» деп
жырды алғаш хатқа түсірді. Заманынан озық туған дана Шоқан,
көңілі өзінің Көкшесіндей сара Шоқан ұйқылы-ояу сахарасын ара-
лай жүріп, бір сәт бауырлас жұрттың ертеңгі баға жетпес қа-
зынасына айналар, бары да, нары да, болар асыл жырды сөндір-
мей үрлеп, сақтап қалуға өз үлесін қосқандығын осыдан-ақ бай-
қауға болар. Оны «төскейде малы, төсекте басы қосылған» Ала-
тау жұрты оның күнгейі мен теріскейін ұмыта алар ма!
Қырғыз Республикасы Мәдениет министрінің орынбасары,
«Манас» жырының 1000 жылдығын өткізу жөніндегі комиссияның
бастығы Шерімбек Шаршаев 1946 жылы-ақ «Манас» жырының
1100 жылдығын өткізу жөнінде өкімет тарапынан арнайы шешім
шығарылып, бірақ жылнамадан қате кеткен деп кейінге қалдырыл-
ғандығын айтады. Ал, 80-жылдары Шыңғыс Айтматовтың өзі бас
болып, жырдың 1000 жылдығын атап өтуді қатты қолға алған. Бі-
рақ тағы да қолдау таппаған, кедергілер кес-кестей берген. 1952
жылы 8 шілдеде «Манас» эпосын зерттеу жайындағы конферен-